Obama á móti tækni og framleiðniaukningu?

Í ræðu sinni í gærkvöldi sagði Obama meðal annars:

"Let’s remember how we got here. Technology made businesses more efficient, but also made some jobs obsolete".

"Gleymum því ekki hvernig við komumst hingað.  Tæknivæðing jók framleiðni fyrirtækja en gerði um leið sum störf úrelt".

Hljómar eins og Obama sé á móti tækni og aukinni framleiðni.  Tæknivæðing eyðir ekki störfum heldur breytir hún þeim, færir þau til og skapar tækifæri fyrir hagvöxt og betri lífskjör.

Vill byggja upp réttlátt efnahagskerfi

"þau hlógu að mér svo nú skulu þau fá það borgað!"

Ögmundur Jónasson var á Bylgjunni í morgun (DV) og ræddi meðal annars um atkvæðagreiðsluna á Alþingi og ákæruna á hendur Geir Haarde.  Hann sagði meðal annars:

„Ég sagði sjálfur árið 2007 að ég teldi rétt að þeir færu úr landi. Þá hló allt landið, stjórnmálastéttin og fjölmiðlar,“ rifjaði Ögmundur upp. „Geir H. Haarde á svo að lögsækja fyrir þennan aulahlátur þjóðarinnar sem þá var ótvíræður.“

Hér sé ekki betur en að hann kalli þjóðina aula og falli í þá gryfju að ætla að kenna okkur um aðgerðarleysi stjórnvalda.

Bjó þjóðin yfir nægri sérþekkingu til að vita hvað var að gerast?  Auðvitað ekki.  Því að ef svo væri þá þyrftum við ekki fulltrúalýðræði, gætum hent Ögmundi á öskuhauga sögunnar og tekið upp þráðbeinnt lýðræði.

Lýðræðið okkar

Lýðræðið okkar er í hugum sumra ekki gott en það er því miður það besta sem við eigum völ á.  Við getum breytt því en það gerum við ekki með því að hvetja forseta Alþingis til að taka ekki mál á dagskrá.

Ef lögfræðingar Alþingis komast að þeirri niðurstöðu að tillaga sé þingtæk þá getur forseti Alþingis því miður ekki komist að annarri niðurstöðu.  Stór hluti þingmanna var ekki sammála því og lagði fram frávísunartillögu sem var felld.  Þess vegna ræðir Alþingi nú um ályktun Bjarna og það er fátt lýðræðislegra en að rökræða mál.  Það er tilgangur Alþingis að gera það og ég er eiginlega á þeirri skoðun að Alþingi geri of lítið af því að rökræða málin.

Ég sakna þess eiginlega að hafa ekki heyrt fyrr í Ungum jafnaðarmönnum og í stærri málum.  Vonandi eru þeir að vakna og reyndar ekkert nema gott um það að segja.

Lýsa vantrausti á forseta Alþingis

Stuðningur Króata við ESB aðild

Stuðningur Króata við ESB aðild er jákvæður.  Það er stutt síðan Króatar börðust fyrir sjálfstæði sínu úr sambandsríkinu Júgóslavíu ásamt því að þjóðernishyggja hefur verið mjög mikil frá því fyrir Síðari heimsstyrjöldina.

Nú eru þeir skv. andstæðingum ESB að leggja ríki sitt niður að öllu leiti nema að forminu til.  En auðvitað er það ekki svo.

ESB er ekki ríki heldur samband fullvalda ríkja sem hlusta á hvert annað og hafa ákveðið að vinna saman að mikilvægum málefnum sem varða samfélagið eins og fólki, umhverfinu og viðskiptum. 

Eina sjálfstæðið sem ríki missa innan ESB er möguleikinn á að sýna öðrum tillitsleysi.  Sumir telja það hið eina sanna sjálfstæði en ég tel að sjálfstæði af þessari gráðu sé einskis virði og til skaða frekar en til góðs.

Hvernig missir maður sjálfstæði við að vinna með öðrum?  Vinnum við ekki með öðrum daglega?  Finnst einhverjum hann missa sjálfstæði við það?  Auðvitað ekki.

Um 67% sögðu já við ESB-aðild

Heilagir vinstrimenn

Í upphafi ætla ég að taka fram að ég er frjálslyndur jafnaðarmaður og telst því vera vinstrimaður, jafnvel þó ég treysti á markaðinn og frelsi einstaklingsins. 

Til vinstristefna teljast líka marxismi, kommúnismi og sósíalismi.  Ótrúlegt að frjálslyndi skuli vera þarna líka en það er satt.  Þess vegna er ekkert óeðlilegt að vinstrimenn deili sín á milli.  Kannski óeðlilegra að hægt sé að setja þá alla í einn hóp sem kallast "vinstrimenn".

Til hægristefna teljast frjálshyggja, íhaldsstefna og stjórnleysi.  Þessar stefnur eru líka mjög ólíkar.

Ég las frétt um Þráinn Bertelsson á Eyjunni í dag.  Ég gat ekki annað en skrifað eftirfarandi athugasemd:

"Eitt helsta vandamál "vinstra fólks" er að það veit ekki hvað frelsi, jöfnuður og bræðralag stendur fyrir. Í hugum allt of margra þýðir það forréttindi fyrir stjórnvöld og þá sem næst þeim standa og yfirgripsmikla forsjárhyggju. Þráinn er ekkert öðruvísi og hefur greitt atkvæði með lögum sem grefur undan lífskjörum á meðan fáir útvaldir auðmenn geta hagnast um milljarða. - Þráinn er einn þessara heilögu vinstrimanna sem er í krossferð og er alveg sama þó að saklaust fólk liggi í valnum... svo lengi sem skuggi fellur ekki á hið heilaga markmið hans og dýrð."

Ég leyfi mér að gagnrýna þegar gagnrýni á rétt á sér.  Þráinn hefur oftar en einu sinni samþykkt lög sem eru andstæð hugsjónum vinstri manna og hann hefur hækkað skatta á þá einstaklinga sem lægstar hafa tekjurnar.  Ég leyfi mér að gagnrýna hann fyrir það og tel mig ekkert verri vinstri mann fyrir það.  Reyndar tel ég það skyldu mína að minnast á það þegar ójöfnuður er aukinn og forréttindi veitt.

Er ekki kominn tími til að koma upp úr skotgröfunum, tala um stöðu landsins eins og það er og velja stefnu sem kemur okkur á áfangastað?

Hvað segja vinstrimenn um það?

ESB áróður á Íslandi mætti vera meiri!

Ég styð aðild Íslands að ESB en ég viðurkenni að ég tek ekkert eftir áróðri frá ESB sinnum.

Það eru nokkrar bloggsíður sem fjalla um ESB og talað er um upptöku evru þegar verðtryggingin er gagnrýnd en heildstæður áróður er enginn.

Sem dæmi þá er fjórfrelsið hornsteinn ESB(frjálst flæði fólks, fjármagns, þjónust og vöru) en meira að segja stuðningsmenn ESB halda að fjórfrelsið snúist um frjálst flæði vinnuafls.

Þannig fatta ekki margir ESB sinnar (og EES sinnar) að gjaldeyrishöftin hefta ekki aðeins frjálst flæði fjármagns heldur einnig frjálst flæði fólks.  Svoleiðis ESB sinnar eru verri en engir.

Tja... þetta segir mér að "áróðurinn"(upplýsingagjöfin) mætti vera miklu meiri.

„Gegndarlaus áróður ESB"

Vonbrigði en ekki bömmer

Það eru viss vonbrigði að frávísunartillagan skuli hafa verið felld.  Samt skal ég viðurkenna að mér finnst lýðræðislegra ef Alþingi tekur málið til þinglegrar meðferðar.

Lýðræði krefst umræðu.

Þess vegna er ég ekki á bömmer.

Frávísun felld

Siðlausa Guðfríður Lilja?

Guðfríður Lilja talar um eitt en gerir annað.

Hún segir m.a. "En það skiptir máli að við berum okkur rétt að; að við réttlætum ekki óréttlæti með nýju ranglæti."

En hún samþykkti sjálf mjög óréttlát lög sem mismuna, ívilna og búa til nýtt óréttlæti.  Hún réttlætti þessi lög með því ranglæti sem hrunið leiddi yfir okkur.

Einnig segir hún "Ég er þeirrar skoðunar að við séum mjög langt frá því að hafa í raun og sann gert upp hrunið, lært af því, breytt og bætt það sem á hefur verið bent"

Ef við erum langt frá því að hafa gert upp hrunið og lært af því þá er það meðal annars vegna þess að á þingi eru þingmenn sem vinna og hugsa eins og hún, segir eitt en gerir annað.  Sama gamla siðleysið í gangi.

Siðleysi viðhelst

Gamli söngurinn...

"Í kjölfar þessarar auknu verðbólgu í upphafi árs spáum við því að verðbólga hjaðni jafnt og þétt eftir því sem á árið líður. Slaki er ennþá nokkur í hagkerfinu, krónan mun að mati okkar sækja nokkuð í sig veðrið með hækkandi sól..."

Kannast einhverja við þetta?

Hvernig væri að segja okkur eitthvað nýtt?

Spá verðbólguskoti í janúar

Var maðurinn sofandi í skólanum?

Að ásaka aðra um meiri brot gerir ekki menn saklausa. 

Hvernig þjóðfélag væri það ef lögreglan myndi sleppa mér fyrir að hafa keyrt yfir á rauðu ljósi vegna þess að einhver annar keyrði yfir á "rauðara" ljósi?  Hvernig þjóðfélag væri það ef mér væri sleppt fyrir að stela 1 milljarði vegna þess að einhver annar stal 2 milljörðum?

Þið sjáið að svona réttlæting er galin.

Þetta sem SDG gerir er einmitt klassískt dæmi um það hvernig menn réttlæta brot til að blekkja bæði sjálfa sig og aðra.

Þetta ætti Sigmundur Davíð að hafa lært um siðferði.  Því fær hann falleinkun.

Stjórnvöld brotlegri?