Sjómannaafslátt á ekki að afnema!!!

Auðvitað á ekki að afnema sjómannaafsláttinn.

Það eru ekki allir sjómenn með 10 milljónir í árslaun!  Sumir eru jafnvel með 1,8 milljónir.

Ef afnema á sjómannaafsláttinn þá lækka útborguð laun fyrri sjómannsins 2,7% af heildartekjum en hins síðari um 15%.  Þetta dæmi sýnir á nokkuð augljósan hátt að sjómenn með lág laun greiða eftir breytingarnar hærri skatta en áður.  Jöfnunarhlutverk skattkerfisins snýst hér við og hér verða mikil ójöfnunaráhrif.

Þessar breytingar eru því alls ekki í anda stefnu ríkisstjórnarflokkanna í skattamálum, sem er að auka jöfnuð í þjóðfélaginu.

Fyrir utan ójafnræði þess að afnema sjómannaafsláttinn þá vil ég benda á að sjómenn búa við skert öryggi! Þeir hafa ekki aðgang að heilsugæslu og þeir hafa mjög skertan aðgang að sjúkraflutningum.  Stundum hafa menn þurft að vera vikum saman úti á sjá kvaldir og veikir vegna rangrar greiningar á sjúkdómi í gegnum síma!!!  Lyfjalausir ef þeir hafa ekki verið það útsjónasamir að hafa góða lyfjakistu með sér!!!

Þyrlan kemur heldur ekki alltaf.  Það væri eins og ef sjúkrabíll kæmi ekki alltaf á slysstað, heldur þyrfti fólk að koma sér sjálfu á spítala eftir umferðarslys ef læknir ákveður, símleiðis, að ekki sé þörf á sjúkrabíl þrátt fyrir opin sár og útlimamissi, í verstu tilfellum.

Gott dæmi um hvernig heilbrigðiskerfi sjómenn búa við.

Hvaða þjóðfélagshópur býr við þessi skilyrði en greiðir samt fulla skatta?

Þær breytingar á skattkerfinu sem ríkisstjórnin hefur ákveðið, sem er þriggja þrepa kerfi og hækkun persónuafsláttar, ætti að vera meira en nóg til að ná auknum tekjum sjómanna í ríkissjóð.

Ég treysti því að ríkisstjórnin taki þetta úr frumvarpinu eða að Alþingi geri það, komist það óbreytt til þingsins.

 

Boðar afnám sjómannaafsláttar

Athugasemdir

[ppp (IP-tala skráð) 27.11.2009 kl. 11:01]

Ég flyt út hugvit og skaffa gjaldeyri inn í landið á hverjum einasta mánuði. Ég geri það einnig án þess að treysta á erlenda afsláttar-olíu til að knýja skipaflota. Ég er  um leið í margfalt lægri áhættuhóp hvað varðar slys og annað. Með öðrum orðum, ég er mun ódýrari í "rekstri" fyrir ríkið en sjómaður.

Hvar er skattaafslátturinn minn?

Nei, burt með þetta rugl. Þetta afnám er löngu tímabært.

[Lúðvík Júlíusson, 27.11.2009 kl. 11:12]

ppp, þú notfærir þér kannski ekki þá þjónustu sem er í boði í landi en sjómenn fá ekki þá þjónustu sem þér þykir svo sjálfsögð!

á meðan þetta er ekki lagfært þá er þetta ein af fjölmörgum ástæðum þess að sjómenn fái að njóta skattafsláttar.

[ppp (IP-tala skráð) 27.11.2009 kl. 12:30]

Ég held að þú sért nú að gera aðeins of lítið úr þeirri þjónustu sem landhelgisgæslan er (eða á amk.) að bjóða.

Guð má vita að það kostar okkur allavegana nógu mikið að reka þetta apparat ár eftir ár.

Annars hrósa ég þér fyrir að hafa opið á allar athugsasemdir á blogginu þínu.

[Magnús Sigurðsson, 27.11.2009 kl. 12:34]

Sjómenn vinna hættulegri störf en flestir hverjir.  Við gjaldeyrisöflun sem er dýrmæt fyrir þjóðabúið.  Störf þeirra valda fjarvistum frá fjölskyldu auk skerts aðgengis að almannaþjónustu eins og bent hefur verið á.  Það á ekki að afnema sjómannaafslátt, það er einfaldlega eingin sanngirni í því að lát sjómenn greiða sérstaklega fyrir opinbera þjónustu sem þeir geta starfs síns vegna ekki notið.

Að færa skattaafsláttinn yfir á útgerðina gæti þýtt innflutt vinnuafl, svipað og tíðkast í fiskvinnslu.  Nei það á ekki að skerða kjör þeirra sem skaffa gjaldeyri, allra síst sjómanna og þeirra sem vinna líkamlega erfið störf.

[sigkja (IP-tala skráð) 27.11.2009 kl. 17:14]

Stærsti hluti sjómanna sefur heima hjá sér og notar alla þá þjónustu sem er í boði.

Fjölskyldur sjómanna nota alla þá þjónustu sem er í boði.

Beitningamenn fá sjómannaafslátt þó þeir fari aldrei á sjó.

Bændur og íbúar sumra þorpa á landsbyggðinni búa við skertari þjónustu en flestir sjómenn.

Sjómenn vinna sumir hættuleg störf. Sama gera Slökkviliðsmenn, meðlimir björgunarsveita og fleiri.

Hvers vegna ætti sá sem dregur þig uppúr sjónum þegar þú klúðrar hlutunum  ekki að fá þennan afslátt?

Hvers vegna ætti fólk sem aflar hærri gjaldeyristekna en meðal sjómaður ekki að fá þennan afslátt?

Hvers vegna ætti ekki þorp sem er einangrað, læknislaust, dögum eða vikum saman ekki að fá þennan afslátt?

Sjómenn sem hópur býr ekki við skert öryggi, skertan aðgang að sjúkraflutningum eða engan aðgang að heilsugæslu. Þó svo að þar séu, eins og hjá mörgum öðrum hópum, einstaklingar sem búa við það.

[Birkir H (IP-tala skráð) 27.11.2009 kl. 18:50]

Ég hef nú ekki séð annað eins kjaftæði og í þessum athugsasemdum hér sigkja er greinilega í besta falli misgáfaður eða gáfuð. Ég vill benda á að þegar að íslenskir sjómenn eru að fiska í rússnesku lögsögunni, er ekkert öryggisnet þar, nákvæmlega ekkert. Þyrlurnar hafa varla flugdrægnia Reykjaneshrygginn og tilbaka aftur og hvað þá upp í síldarsmugu eða niður á Nafó svæði, mér þætti svo gaman að sjá sjómenn á togurum sofa heima hjá sér nema í fríunum. Landhelgisgæslan sækir frekar öklabrottna konu á Esjunna en slasaðan sjómann, þetta hef ég orðið vitni að nokkru sinnum. Það eru 2 eða 3 þyrlur í landinu og allar staðsettar í Rvík, þannig að sjómenn utan 100 mílna frá Rvík búa við mjög skerta öryggisþjónustu. Og að lokum vill ég benda á að sjómennska er sú atvinnugrein sem býr við langhæstu slysatíðnina og þegar að slysin verða eru þau mjög oft ljót

[sigkja (IP-tala skráð) 27.11.2009 kl. 19:37]

Birkir virðist einhverra hluta vegna telja val 100 sjómanna að vinna við minni þjónustu hluta ársins réttlæta afslátt til 5000 sjómanna og beitningamanna. Greinilega mikið gáfumenni þar á ferð.

Sjómannaafslátturinn var ekki settur á til að bæta sjómönnum einhverja þjónustu sem þeir gætu ekki notið til jafns við flesta aðra landsmenn. Enda gætu þá margir stærri hópar átt sömu kröfu. Hann var settur á sem styrkur til útgerðarinnar þegar hún taldi sig ekki getað hækkað laun til samræmis við hækkanir sem orðið höfðu í landi og illa gekk að manna fiskiskipaflotann.

Þjónustuleysi, læknisleysi, sjónvarpsleysi eru allt síðari tíma afsakanir á þessari ölmusu sem fyrir löngu hefur misst allan tilverurétt.

[Svavar Bjarnason (IP-tala skráð) 27.11.2009 kl. 21:05]

 

Ekki veit ég hvort þessi sjómannaafsláttur hafi verið réttlátur á sínum tíma, þegar hann var settur á. Hugsanlega hefur einhver réttlæting verið til þá, vegna einhvers þjóðfélagsástands. En þessi gjörningur var vissulega barn síns tíma og ætti að hafa verið afnuminn fyrir löngu.

Sá rökstuðningur, sem maður heyrir frá sumum fyrir áframhaldi þessa gernings er að mínu mati algerlega ga ga.

Þegar ég var ungur maður sigldi ég á fraktskipi í eitt ár.

Í meira en 30 ár vann ég hjá stóru opinberu fyrirtæki ,við vinnu sem var að stórum hluta fjarri heimili mínu í langan tíma, oft uppi í óbyggðum. Í þessari fjarveru  frá fjölskyldu minni naut ég ekki jafn góðrar viðveru og ég hafði haft þegar ég var á sjónum. Ekki hafði ég skattaafslátt fyrir þessa vinnu. En ég fékk ýmist borgað uppihald og fæði eða var á lögboðnum dagpeningum allt eftir samningum við vinnuveitanda.

Aðstaða sjómanna og fæði um borð hlýtur alfarið að vera samningur milli þeirra og útgerðarmanna.

Ríkið á ekki að borga neina niðurgreiðslu í þessu sambandi.

[Birkir (IP-tala skráð) 27.11.2009 kl. 21:44]

Svavar Bjarnson

Hvað eru dagpeningar annað en styrkur, greiddur þú tekjuskatt af þeim'' dagpeningar eru ekkert annað en form til að losna við skatta

Sigkj, efast um greindarvísitölu þína, það eru mikið fleiri en 100 sjómenn á Íslandi sem að stunda sjómennsku við úthafsveiðar, ætli að það sé ekki uppundir 25 % af þeim sem stunda þessar veiðar.

Ertu kannski ríkistarfsmaður??

Birkir

[Svavar Bjarnason (IP-tala skráð) 27.11.2009 kl. 22:55]

Athugasemd Birkis lýsir mikilli fáfræði.

Menn eins og ég sem unnu mikið fjarri heimilum okkar og oft í langan tíma, fengu ýmist skaffaða gistingu, fæði og viðunandi aðstöðu frá vinnuveitenda, eða við fengum greidda dagpeninga til einföldunar og sáum þá um okkur sjálfir, allt eftir samningum við yfirmenn.

Að segja að dagpeningar séu ekkert annað en form til að losna við skatta lýsir ófyrirgefanlegri heimsku!

[Friðjón Jónsson, 27.11.2009 kl. 23:01]

Sigkj getur verið að þú sért á listamannalaunum og hafir aldrei farið út úr 101 ég hef ekki vitað meira bull en þessa færslu þína það er meiri viska í Andrésblaði þegar ég var að róa á Flæmska hattinum var ég yfir leitt 2mánuði úti og 1 heima lengsta úthaldið var 84 dagar að heimann.

[Lúðvík Júlíusson, 27.11.2009 kl. 23:05]

Takk fyrir þessar athugasemdir strákar.  Ég held að þið verðið aldrei sammála.  Ekki gleyma því að vera kurteisir í athugasemdunum.  Nú skulum við leyfa gestunum að mynda sér skoðun enda hafið þið komið ykkar skoðunum nokkuð skýrt á framfæri.

Góða helgi!

[Jóhann Berg (IP-tala skráð) 28.11.2009 kl. 00:13]

Jæja góðir bloggarar. Ég er fyrrverandi sjómaður, skipstjóri á frystitogara og hafði ekki starfað við neitt annað en sjómennsku alla mína starfsævi, þar til fyrir 3 árum að ég hætti og fór að vinna hjá ríkinu, eins og margir aðrir. Þar fæ ég dagpeninga sem ég þarf ekki að greiða skatt af og fyrir einn vinnudag sem ég kemst ekki í mitt eigið rúm fæ ég 19.000 kr sem lætur nærri að vera sama upphæð og sjómenn fá fyrir 30 daga úthald. Svo sjá einhverjir stórar upphæðir fara til sjómanna, sveiattan og aflið ykkur upplýsinga um það sem þið eruð að skrifa um. Ég eyddi 11 árum á Flæmingja grunni á íslenskum og erlendum skipum. Þar var engin læknir, engin þyrla komst, þar var og er ekkert ríkisútvarp, sjónvarp, eða nokkur þjónusta sem íslenska ríkið veitt mér eða öðrum íslendingum þar. Samt fannst þeim sjálfsagt að taka skattinn, tryggingar, útvarpsgjöld o.s.f.v. Lengsta úthald hjá mér 19 mánuðir, ég varð að vera með starfsmann til að fara í bankan fyrir mig, borga reikninga áður en ljóti karlinn í bankanum tók allt af mér. Sá sami ljóti karl var svo hækkaður í launum og fékk 30 millur á máuði, ekki heyrði ég neinn kvarta yfir því.

[a, 28.11.2009 kl. 01:46]

Góður Jóhann.

Við getum þó lifað sáttir með það að við erum búnir að greiða fyrir okkur í samfélagið.